BUTUAN CITY – Mitala na og ikaduhang kaso sa Coronavirus Disease 2019 kon Covid-19 ang rehiyon sa Caraga base sa pagkumpirma ni Dr. Jose Llacuna Jr, regional director sa Department of Health kon DOH-Caraga sa pakighinabi ning sibyahan.
Sumala pa ni Llacuna, usa ka 65-anyos nga lalaki sa Butuan City ang pasyente nga na-confine sa Caraga Regional Hospital sa Surigao City sukad pa niadtong Abril 1.
Saysay pa sa opisyal sa eksklusibiong pakighinabi sa Bombo Radyo Butuan, wala kini travel history apan duna’y kontak sa iyang anak nga gikan sa international derby sa Matina, Davao City.
Sigon pa ni Llacuna, hugot nilang gi-monitor ang gikan sa maong sabong diin ang anak sa bag-ong pasyente anaa sa maayong panglawas nga ni-uli sa ilang panimalay ug paglabay sa pipila ka adlaw, nasakit ang iyang amahan rasong nagpakunsulta sa doctor kondiin nakasinati kini og diarrhea rason gita-uran og dextrose sa ilang panimalay og gidala sa Caraga regional Hospital.
Pagbutyag pa ni niining nagnegatibo na ang duha ka swab samples sa pasyente apan diskumpiyado ang doctor tungod sa iyang kondisyun rason nga suli kining gipa-ilalom sa swab test ug migawas asa resulta nga positibo na kini sa maong sakit..
Sugdan nila karong adlawa ang contact tracing sa mga nakahimamat sa pasyente ilabina ang iyang pamilya ug mga trabahante sa ospital nga nag-atiman kaniya niadtong kini nagpakunsulta.
Nakig-alayon na usab ang ahensiya sa local nga kagamhanan sa Butuan ug ubang buhatan o organisasyon nga dunay dakong papel sa himoong contact tracing sama sa Office of the Civil Defense kon OCD dayong awhag sa publiko nga makig-koordina og ipahibalo sa mga health authorities ang indibidwal nga dunay gihambing simtomas sa COVID-19.
Samntang ikaduha na nga nag-negatibo ang follow-up test sa unang covid-19 positive sa rehiyon og karun gi-discharge na.
