BUTUAN CITY – Sikop ang usa ka Canadian national nga duna’y travel history sa Cebu City, Cagayan de Oro City ug Tacloban City human nakalapas sa mga kamanduang gipakanaog sa Butuan City government alang sa pagbatok sa coronavirus 2019 kon COVID-19.
Sa eksklusibong pakighinabi sa Bombo Radyo Butuan kang Doongan, Butuan City Brgy Captain Gilbert Enriquez gi-ila niini ang langyaw nga si Roy Cursey, hamtong ang panginaron kinsa lango pa sa ilimnong makahubog.
Sumala ni kapitan Enriquez adtong Marso 15 pa mi-abot sa Butuan ang maong Canadian diin naka-check-in sa usa ka hotel sa Barangay Bayanihan ning syudad.
Sa pagkakaron, usa ka health worker ang nakabantay niini human gikonsiderang ‘Person Under Monitoring’ kon PUM tungod kay gawas sa travel history sa mga lugar nga positibo sa COVID-19, nakalapas usab kini sa mga protocols ug guildelines nga gipatuman karon sama sa social distancing, pagbawal sa pagtapok-tapok, pag-inom-inom ug wala pagsuot og face mask.
Human nasayran ang gihimo sa maong dayo, nakig-alayon gilayon siya sa ginsakpan sa BCPS 2, mga health personnel sa barangay ug mga tanod rason nga kini nasikop.
