BUTUAN CITY – Nag-public apology na ang pastor nga nag-post og fake news kalabot sa matud pa, duha ka kaso sa Coronavirus Disease 2019 (COVID-19) sa lungsod sa Veruela, Agusan del Sur nga miresulta sa pag-panic sa mga tawo.
Kinsa samtang gi-andam na sa kapulisan ang kasong ipasaka batuk sa suspek nga si Michael Perez Gumunit, 29-anyos, ulitawo, residente sa Brgy. Binucayan lungsod sa Loreto sa susamang lalawigan ug pastor sa International One-way Outreach Foundation Incorporated nga nakabase sa lungsod sa Veruela sa susamang lalawigan.
Nasayran nga nag-panic ang mga tawo sa maong lalawigan nga nakabasa sa iyang Facebook post kalabot sa duha matud pa ka kaso sa COVID-19 nga natala sa Brgy. San Gabriel og Sta Emilia sa lungsod sa Veruela.
Dali kining gisubay sa mga opisyal ug kapulisan sa maong lungsod hangtud n ga nakumpirmang negatibo kini nga miresulta pa sa pagtumbok kaniyang maoy responsable sa nasangpit nga post.
Tungod niini, nangayo siya og pasaylo sa tanang nag-panic tungod sa iyang gihimo dayong angkon nga dakong sayop ang iyang gihimo ug nanghinaut na unta, hatagan siya og kapasayluan sa iyang binuhatan.
