BUTUAN CITY – Hilabihan ang pagsubo sa pamilya Morong sa may Purok-8, relocation site, Brgy. Lower Doongan ning siyudad sa Butuan dihang naghikog ang 17-anyos nga bayong-bayong human nakadunggab sa iyang igsoon pasado alas-sais kagabii.
Sa pakighinabi sa Bombo Radyo Butuan kang Joel Morong, gikumpirma niining ning nakalabay’ng gabii, nakakita og away ang bayong-bayong alang sa plano niinig mubalos kauban ang magulang nga igsoon nga si Errickson Payo, 23-anyos.
Apan sa wala masayrang hinungdan, ang duruha na hinoon ang naglalis og nag-away nga misangpot nga pagdunggab ni Macky ngadto sa iyang igsoon nga nakahiagum og duha ka samad sa tiyan og kilid.
Daling gidala ang biktima sa Agusan Del Norte Provincial Hospital og karun padayon pang nagpa-alim. Apan ang nakadunggab nga manghod, naghikog didto sa ilang panimalay gamit ang habol. Nadala pa kini sa susamang ospital apan nakabsan gihapon sa hinulamang kinabuhi
