BUTUAN CITY – Hugot nga gikondena sa kasundaluhan ang indiscriminate firing nga binuhatan sa New People’s Army kon NPA gamit ang M203 grenade launcher human kini mi-angol sa tulo ka sibilyan sa Sitio Emerald, Brgy. Diatagon, Lianga, Surigao del Sur.
Na-ila ang mga nasamdan nga sila Andrea Gallergo, 55-anyos, Marimar Terse, 19-anyos ug 5-anyos nga bata parehong residente sa Sitio Emerald kinsa gihatagan gilayon ug first aid sa Community Support Team medics ug g gidala ang mga biktima sa Lianga District Hospital.
Mahinumdumang ang 3rd Special Forces “Arrowhead” Battalion mipagawas og impormasyon sa nakalabay nga Enero 22 kansa si alias Uway, mipagawas sa gika-ingong pakigkunsabo sa kumunsista og Malahutayong Pakigbisog Alang sa mga Sumusunod kon MAPASU nga maglusad og harassment sa kumunidad.
Kini aron basolon ang militar, ma-trigger ang “Taktikang Bakwit” og malangay ang peace and development efforts sa Surigao Provincial Task Force to End Local Communist Armed Conflict.
Sigon pa ni Lieutenant Colonel Joey B Baybayan, 3rd Special Forces “Arrowhead” Battalion Commanding Officer, duna na sila’y lead sa maong panghitabo nga kadaghanan mga MAPASU members.
Alayon sa maong pagpangharass, ang kumunidad sa IP nga gipangunahan ni Hawudon, Jumar Bucales, IPMR sa Lianga, mikondena sa NPA dayung hangyu sa militar nga magtukod og patrol base sa Kilometer 9 aron sila maprotektahan batuk sa terorismong binuhatan sa NPA.
Nasayrang gawas sa paglawgaw sa Whole-Of-Nation Approach to End Local Communist Armed Conflict sa gobyerno, ang maong harassment maoy balos matud pa sa bag-ohay lang nga pag-aresto ni Renan Cantos, lider sa walhong grupo nga dunay 10 ka standing warrants of arrest ug Juanito Tejero Calipay, alias “Amag”, 28-anyos, residente sa Sitio Emerald ug active NPA member ug Militia ng Bayan sa Guerilla Front 19, Northeastern Mindanao Regional Committee (NEMRC) nga dunay unom ka standing warrants of arrest.
Mahinumduman usab nga sa nakalabay nga Pebrero 19, gi-atake usab sa NPA ang dump truck nga gipanag-iyahan sa Provincial Engineering Office nga nagdeliver og graba alang sa paghimo sa culverts aron ma-ayo ang farm-to-market roads sa Sitio Emerald og ang Community Support Teams lakip na mga Army engineers.
