BUTUAN CITY – Nakabsan sa iyang kinabuhi ang acting municipal fire marshal sa lungsod sa San Jose, Dinagat Islands province human nalambigit sa aksidente sa kadalanan sa Dayawan, Km.2 sa Brgy Luna, Surigao City kagahapon pasado alas-2 sa kaadlawon.
Naila ang biktima nga si Inspector Aison Ronniel Bote Cribello, 25-anyos ug taga Calaoocan City.
Sa pagpanubay sa mga sakop sa Surigo City Traffic Division, giika-ingong sakay sa iyang gimanihuang motorsiklo ang biktima padulong unta sa sentrong bahin sa Surigao City dihang nasungag niini sa kurbadahong bahin ang Isuzu D-max nga gimanihuan sa naka-inom nga si Robert Guisano, 39-anyos, residente sa Manapipang Village. Brgy Rizal sa maong syudad.
Tungod sa kakusog sa impact sa pagbangga nahulog sa semento ang opisyal hinungdan sa pagkabunal sa ulo niini.
Gidala pa kini sa Caraga Regional Hospital apan gideklara kining dead on arrival.
Anaa na sa kustodiya sa Surigao City Police Station ang duha ka sakyanan ingon man ang driver sa isuzo D-max alang sa tukmang disposasyon.
Nasayran nga si Inspector Aison Ronniel Bote Cribello, miyembro sa PNPA SANSIKLAB Class of 2019
