-- ADVERTISEMENT --
BUTUAN CITY – Gibana-banang muabot sa 1.1 milyones pesos ang damyos sa natigayong sunog kaganinang alas 11:15 sa buntag sa Purok-4 og Purok-3, Barangay Poblacion, Magallanes, Agusan Del Norte.
Sa pakighinabi ning sibyahan kang SFO1 Joel Amodia sa Bureau Of Fire Protection kon BFP-Magallanes, giklaro niining 9 ka balay ang totally damaged samtang usa ang partially damaged.
Dili usab muobos sa 15 ka pamilya ang apektado niini. Sumala sa opisyal, padayon karun ang ilang imbestigasyon aron masuta kung unsay sinugdanan sa pagulbo sa kalayu nga gitoohang nagsugod sa abandonadong panimalay nga daling mikaylap sa mga silingan.
Gi-isa usab ang ikaduhang alarma sa maong sunog diin 4 ka mga firetruck ang nakaresponde.
PIC COURTESY OF MAGALLANES MPS
-- ADVERTISEMENT --
