BUTUAN CITY – Alerto karon ang Department of Health kon DOH-Caraga diha sa tanang mga entry points aron malikayan ang pagkaylap sa misteryusong sakit nga gikan sa China.
Sa eksklusibong pakighinabi ning sibyahan, gibutyag ni DOH-Caraga Assistant Regional Director Rodolfo Alburnos, close monitoring ang ilang himuon kondiin apil sa gipabantayan kanila ni Health Secretary Francisco Duque III ang mga pantalan ug tugpahanan pinaagi sa Bureau of Quarantine nga maoy nag-monitor sa tanang mga biyahidor nga musulod sa nasud ilabina kadtong gikan sa China apil na sa Hong Kong.
Gamit ang thermal imaging scan, susihon ang temperatura sa ilang lawas og kung duna’y mga simtomas sama sa flu, i-assess pa sila og maayo adiser desisyunang papa-ulion na o kaha patambalan pa.
Gidugang ni Dr. Alburnos nga sa mga international airports ug sea ports, nakatutok niini ang mga quarantine officers. Ingon niini usab ang gihimo dinhi sa Caraga Region kondiin hugot nga gi-monitor ang musulod nga mga biyahidor ilabina kadtong gikan sa China.
Tungod niini, wala’y angayang kabalak-an ang mga Caraganons kalabot sa maong health alert tungod kay tutok ang ilang gihimong monitoring.
