BUTUAN CITY – Gi-andam na ang kasong ipasaka batuk sa duha ka suspetsadong gitumbok nga mihimo pagpusil sa magti-ayon sa bisperas sa Pasko didto sa Purok-1, Barangay Diatagon, Lianga, Surigao Del Sur.
Sa pakighinabi sa Bombo Radyo Butuan, gipadayag ni Police Major Rennel Serrano, information officer sa Police Regional Office kon PRO-13, nga pasado alas 6:05 sa sayung gabii niadtong Disyembre 24 samtang sakay sa motorsiklo ang mga biktimang sila Julius De Guzman og asawa niining si Violeta. gisundan sila sa duha ka suspetsado nga sakay usab sa laing motorsiklo dayong pabuto ngadto kanila gamit ang kalibre 45 nga pistola dayong sibat padulong sa wala pa matinong direksyon.
Daling gidala sa ospital ang magti-ayon apan gideklarang dead-on-arrival ang asawa nga si Violeta samtang swerteng nabuhi usab ang bana kinsa mao matud pa’y naka=ila sa mga suspek nga sila .
Hingpit nga nailhan ang mga suspek nga sila Jhong Marcelo, ang drayber ug ang niining si Tata Ceronda kinsa maoy gunman.
Sa inisyal nga imbestigasyon, personal nga kasuko ang motibo sa pagpamusil human matud pa unang nagplano og dautan ang mga biktima ngadto kanila
