BUTUAN CITY – Gipasabot ni Ramil Barquin – senior public relations officer sa Butuan City Water District kon BCWD nga naputol ang ilang serbisyo sugod pa kagahapon sa alas-kwatro sa hapon tungod sa dako nga leaking sa ilang transition line sa Brgy. Taguibo ning siyudad.
Sa eksklusibong pakighinabi ning sibyahan, gibutyag sa opisyal nga ang maong mga leaking namugna tungod sa mi-aging sunod-sunod nga linog. Kinahanglan gilayon matud pa kining repiron rason nga short notice lang ang ilang gipagawas nga posibleng maoy hinungdan nga daghan ang wala makahibalo sa ilang temporaryong paghunong sa operasyon.
Natapos matud pa ang ilang trabaho kaganinang alas-siete sa gabii rason nga gisugdan gilayon nilaang flushing operations sa tanang areas nga sakop sa ilang concession.
