BUTUAN CITY – Pormal nang gibuksan dinhi sa dakbayan sa Butuan kaganinang buntag uban sa nagkada-iyang mga media outlets pagpanguna sa Kapisanan ng mga Brodkaster ng Pilipinas kon KBP Butuan-Chapter ang Press Freedom Week 2019.
Miduyog sa maong kasa-ulugan ang local nga kagamhanan pinaagi sa Public Information Office ilawom sa temang “Press Freedom in a City Ascending”.
Gibuksan kini kaganinang alas-8:30 sa buntag pinaagi sa kick-off ceremony nga gi-ubanan sa motorkada nga gisalmutan sa nagkada-iyang media personnel gikan sa City Hall Grounds padulong na ngadto Robinsons Place diin gihimo ang bloodletting activity ug mga padula.
Matapos ang maong kalihukan karong Nobyembre 26.
Alayon niini, misaad si Presidential Communications Operation Office kon PCOO Secretary Martin Andanar nga magpadala siya sa iyang representante dinhi sa Butuan sunod semana aron maoy muhatag og mensahe in-behalf kaniya nga dili personal nga makadalikyat ning siyudad tungod sa pag-uban niya sa state visit ni Pangulong Rodrigo Duterte ngadto sa South Korea.
