BUTUAN CITY – Mukabat sa 30 ka mga photographs sa usa ka Pinoy phographer nga world class awardee ang gi-exhibit sa Eastern Northern Mindanao Regional Museum o Butuan City National Museum sulod sa usa ka tuig.
Sa eksklusibong pakighinabi sa Bombo Radyo Butuan kang George Tapan o mas nailing Master travel photographer, gikabutyag niining gikan pa sa Vigan ang maong mag litrato nga puros mga hulagway sa kababayen-an ug kabataan sa tribu. Pormal nga gibuksan ang iyang mga kuhang litrato kagahapong adlawa ug magpabilin sulod sa usa ka tuig.
Tumong matod pa pag exhibit niini nga mapakita sa mga kabatan-onan karon ang kamahinungdanon sa kultura aron dili kini mawala ug mausab. Gidugang sa artist nga ang mga photographs ang nagsilbing buhing ebidensiya nga mapahinumdum sa mga batan-on sa tinuod nga kultura sa matag tribu sa nasud. Iya matod pa kini nalitratuhan sa nakalabay’ng 40 ka tuig sukad nga nagsugod siya sa iyang passion isip travel photographer.
Nasayran nga napasidunggan sa National Geographic si George Tapan sa iyang “Into the Green Zone” photography nga gikuhaan sa Onuk, Palawan. Gikaingong usa kadto sa mga pinakanindot nga photographs entry sa nasangpit nga pa contest diin makita didto ang rainbow human sa nasinatiang grabeng pag-ulan sa nasangpit nga lugar.
