Little city officials sa Butuan, duha ka adlawng nagtrabaho sa city hall

BUTUAN CITY – Subay sa kasa-ulugan sa Children’s Month, ang City Social Welfare and Development uban sa pakig-alayon sa City Council for the Welfare of Children, mi-facilitate sa mga Little City Officials ingon man Governance Day alang sa mga estudyante gikan sa managlahing public ug private schools ning siyudad.

Tumong niini nga ilang masinatian ang pagserbisyo sa publiko pinaagi sa paghimo kanilang mga City Officials sulod lang sa duha ka mga adlaw.

Ang mga Little City Officials nga gi-assign sa Sangguniang Panlungsod milingkod tupad sa mga membro sa 15th Sangguniang Panlungsod atol sa ilang sesyon ug gi-orient sa ilang trabaho isip SP member. .