BUTUAN CITY – Human ang kapin usa ka buwan nga pagkupot sa kasong large scale syndicated estafa batuk sa kanhi ForexButuan City coordinator ug kanhi Nasipit, Agusan del Norte Vice Mayor Ronald Posoy Timogan, nag-inhibit na sa maong kaso si Judge Isah Echem-Tangonan.
Kini ang gikumpirma ni Butuan City Jail warden Sr. Insp. Marlon Castelo human ang pila ka higayong wala pa paggawas ni Timogan gikan sa pagka-hospital arrest.
Sa eksklusibong pakighinabi sa Bombo Radyo Butuan, gipadayag ni Castelo nga ila nang nadawat ang omnibus order gikan sa maong huwis nga nagpahibalo kanila kalabot sa iyang pag-inhibit taliwa nga karon nang Nobyemb re 7 gitakda ang preliminary hearing sa maong kaso.
Nakalatid matud pa sa omnibus order nga apil sa rason sa iyang pag-inhibit ang wala’y klarong pagpagawas sa attending physician ni Timogan nga si Dr. Delfin Dayan sa tinuod nga medical status sa iyang pasyente rason sa padayon niining pagka-hospital arrest taliwa nga ang pagtaas sa presyon sa dugo niini ang hinungdan sa iyang pagkadala sa balay-tambalanan dihang siya gisikop niadtong Septembre 27 didto sa Nasipit, Agusan del Norte.
