BUTUAN CITY – Miresulta sa kamatayon sa duha ka target ang gikasa nga managlahing police operation kontra loose firearms kagahapon sa buntag sa lungsod sa Tagbina, Surigao Del Sur.
Sigon ni Brigadier General Joselito T Esquivel Jr., Regional Director sa Police Regional Office kon PRO-13, alas 5:00 sa buntag sa dihang bitbit sa mga personahe sa Provincial Intelligence Branch sa Surigao del Sur, Police Provincial Office ug Tagbina Municipal Station ang Search Warrant No. 14-2019 nga gi-isyu ni Hon. Lilibeth O Ladaga presiding judge sa RTC 11th Judicial Region Branch 28 Lianga, Surigao del Sur batuk sa suspek nga si Elesio S Labi alyas “Lesyo” sa Purok 6, Brgy. Maglatab, sa maong lungsod.
Sa maong operasyon, nagpabuto sa iyang dalang pistol ang suspetsado rasong mibalos ang kapulisan nga miresulta sa iyang kamatayon.
Nakumpiska sa iyang posisyon ang usa ka Granada og improvised rifle nga punto 22 nga kalibre.
Gelayong miabot ang mga personahe sa SOCO og gilusad ang crime scene investigation diin narekober ang kalibre .38 revolver walay serial number nga puno sa buhing bala, usa ka basyo sab ala, usa ka sundang og 2 ka basyo sab ala sa 9mm nga pistola.
Samtang gilusad usab ang laing operation sa alas 5:30 sa buntag batuk kang Allan Y. Taer sa Purok 1, Brgy. Ugoban, Tagbina, Surigao del Sur. Dala sa otoridad ang Search Warrant No.16-2019 nga gipagawas ni Hon. Lilibeth O. Ladaga, Presiding Judge sa RTC 11th Judicial Region, Branch 28, Lianga, Surigao del Sur, nga pinitsahay niadtong Oktobre 15, 2019.
Atol sa Implementasyon, giilog sa suspect ang M-16 rifle sa usa sa mga operating personnel rasong gipusil kini sa kaubanang pulis.
Ang maong insedente misangpot sa kamatayon sa suspetsado samtang samaran usab ang usa ka pulis.
Sa gihimung pag-search, nakuha ang 2 ka sachet sa gitoohang shabu nga gibutang sa ibabaw sa cabinet sa suspetsado, usa ka kalibre 38 revolver nga dunay mga bala, 5 ka basyo sab ala ug usa ka Granada.
Sumala pa ni PCOL Francisco D Dungo, Jr, Surigao del Sur Provincial Director, ang maong suspek ang responsable sa daghang mga pagpanglungkab sa lungsod sa Tagbina.
