BUTUAN CITY – Pabilin pang anaa sa talandugon nga kahimtang ang kadre human kini giluba sa iyang Cafgu sa nakalabay nga hapon sulod sa patrol base sa Brgy. Mayag, Sison, Surigao del Norte.
Sumala pa ni Police Captain Jovanne Tindoy, Hepe sa Sison Municipal Police Station gikasab-an sa Kadre nga si Sgt. John Ian C. Billiones ang CAA member nga si Rondel Pelenio Anahao, residente sa P-6 sa samang barangay tungod sa sige ug pabadlong diha sa katungdanan.
Human sa pagkasaba, nag-kape ang kadre og samtang nakatalikod kini, giluba siya sa CAA gamit ang sundangay nga dunay 14 pulgadas ang katas-on.
Human na-igo ang kadre sa likod ug wala nga bukton, daling gikuha sa suspek ang iyang 45 nga pistol didto sa bag dayung ti-on kini ngadto sa iyang ba-ba ug pabuto nga maong hinungdan sa iyang kamatayon.
Daling gidala sa balay tamabalan ang kadre nga karun atua na sa Cagayan De Oro samtang ang patay’ng lawas sa suspetsado gihaya na sa pribadong punerarya sa kasikbit nga lungsod nga Taganaan, Surigao Del Norte.
