BUTUAN CITY – Mi-abot na sa 20 ka mga medalya ang nahakot sa Butuan City delegates sa nagpadayong Batang Pinoy 2019 National Championships didto sa Puerto Princesa City sa Palawan.
Base sa record sa Butuan City Sports Office as of alas-11:45 kaganinang sayo sa udto, apil niini ang tulo ka mga gold medals og tag-usa ka silver og bronze medal sa arnis event ingon man ang duha ka gold, usa ka silver ug upat ka bronze medals alang sa taekwondo apil ang nakuhang bulawan ni Kier Carlos Buico.
Nakadugang usab ang gold medal nga nakuha ni Althea Jade Gudez sa cadet girls ngadto sa duha ka silver ug usa ka bronze medal alang sa table tennis.
Sa natad sa wrestling nga unang higayong duna’y delegado ang Butuan, nakakuha kini og tulo ka bronze medals samtang usa ka bronze medal usab alang sa swimming.
Gila-umang madugangan pa kini samtang wala pa matapos ang mga events nga gi-apilan sa mga delegado.
