BUTUAN CITY – Mag-atubang og mga kasong paglapas sa sections 5 og 11 sa Article II sa Republic Act 9165 ang driver og pahenante sa usa ka delivery van human nakuhaan og 18 ka sachets sa gidudahang shabu atol sa gilusad nga buy bust operation kaganina alas-9:40 sa buntag.
Naila ang mga nadakpang sila Larito Linaga Jr., driver sa van nga duna’y tatak nga Goldstar Enterprises ug ang pahenanteng si Marjun Bucag, 30-anyos nga residente sa Cagayan de Oro City kansa gipara sa sa checkpoint sa may Purok 7, Brgy. Bancasi ning siyudad.
Hugot niining gipanghimakak nga ilang ang maong mga epektos nga gibana-banang mitimbang og 5-gramos kondiin apil sa nakuha gikan sa ilang posisyon ang salaping cash balor 7-mil, 340-pesos ug duha ka cell phones.
Samtang gibutyag ni PLt. Angelito Avila sa Regional Intelligence and Investigation Division sa Police Regional Office-13 nga gihimo ang operasyon base na usab sa tip sa ilang nadakpang taga-Nasipit, Agusan del Norte nga gikan matud pa sa duruha ang ilang supply nga nakuha.
Gikan matud pa sa Cagayan de Oro City ang duha nga maghatud og supply alang sa usa ka sikat nga food chain didto sa Cabadbaran City sakop sa Agusan del Norte ug mupasingit matud pa og hatud sa ilang stock nga shabu ngadto sa mga munisipyo ug siyudad nga ilang maagi-an panahon sa ilang delivery.
Gihimo matud pa ang buy bust operation sa Brgy. Kinabhangan, lungsod sa Nasipit og dihang naka-detect daling misibat resulta sa natigayong ginukdanay hangtud nga na-apsan sila sa may checkpoint nga bahin.
