BUTUAN CITY – Gikumpirma ni Butuan City Councilor Glenn Carampatana – chairman Committee on Education sa Sangguniang Panglunsod nga lima lang ka mga estudyante ang gi-imbitar aron mudawat og Medal of Excellence award og cash incentives nga ilang pahalipay atol sa ilang regular session ning mi-aging semana.
Sigon sa konsehal, dili kumpleto ang listahan sa mga awardees nga nakuha sa SP office rason nga lima lang ang na-awardan apan wala matud pa kini magpasabot nga gi-disregard na nila si Elan Tomaneng.
Kamatu-uran niini, nangayo na sila og dispensa sa nahitabo og nagpadala na usab siya sa iyang personal apology ngadto sa pamilya Tomaneng dayong angkon sa responsibilidad sa maong hitabo nga mugna matud pa sa miscommunication.
Nasayrang si Elan Tomaneng midaog na sa pipila ka mga school competitions, national og international og girekognisa sa city government sa Butuan ilawom sa ilang Gawad Galing at Talino program.
Tungod niini, ilang gi-imbitar sila Elan Tomaneng uban sa iyang mga ginikanan nga mutambong sa sunod nilang regular session alang sa awarding.
Mahinumdumang ang lima ka mga Butuanon pupils nga gikan sa Butuan City SPED Center og Rainbow of Angels ang gi-ila tungod sa ilang pagdaog sa International Mathematics Challenge, China Math Olympiad og International Mathematics Competition, base sa duha ka tuig nga pagpatuman sa city ordinance.
Aron malikayan nga subli kining mahitabo, gi-require na sa konsehal ang tanang mga tunghaan pagsubmite pg mga impormasyon ngadto sa Sanggunian kung kinsa ang nakadaug sa mga kompetisyon sa ilang eskwelahan.
