BUTUAN CITY – Hustisya ang singgit sa mga kabanay sa usa ka dalagita sa lungsod sa Buenavista, Agusan del Norte, human kini napalgang patay og gitu-uhang gilugos pa tungod kay na-us-os ang underwear niini.
Nadiskubre na lang ang patay’ng lawas sa biktimang gitago lang sa pangalang Daday, 17 anyos, residente sa Barangay 10 sakop sa maong lungsod, sa kasagbutang bahin sa Purok 3, Brgy. Uno pasado alas-2:30 sa kaadlawon.
Nahupyak pa ang iyang ulo hinungdan sa iyang pagkamatay.
Base sa inisyal nga imbestigasyon sa kapulisan, mibiya sa ilang balay ang biktima human gikasab-an tungod lang sa hugason.
Katapusan kining nakitang buhi nga nakig-inom ka-uban ang 16 niya ka mga barkada nga gilangkuban sa 12 ka mga lalaki og 4 ka mga babaye nga mao karo’y padayong gi-imbestigahan.
