BUTUAN CITY – Gidugok sa lain pito ka mga membro sa FRX Rice Trading kon Forex Trading uban sa duha nila ka mga sub-leaders ang Bombo Radyo Butuan aron ipa-abot ang dugay na nilang gihambing kabalaka kalabot sa ilang na-pay in nga kwarta nga wala pa mabalik kanila.
Sigon sa mga reklamante, wala sila’y nadawat gikan sa kinatibuk-ang 170-mil pesos nga ilang na-pay in niadtong Hunyo 7 kansa gihatag nila sa ilang lider nga si Vanessa Tudio kinsa maoy naghatod niini ngadto sa ilang founder nga Dimber Celis sa main office sa Bayugan City. Lalawigan sa Agusan del Sur.
Apil sa midalikyat ning sibyahan ang usa ka mabdos nga negosyanteng wala pa ma-ulii sa iyang 67-mil pesos nga kwartang gamiton unta niya sa iyang painless nga pagpanganak.
Gibutyag sa maong negosyanteng si alyas Judith, una siyang naka-invest og 3-mil pesos og tungod kay naka-pay out man siya og unang hugna sa maong kwarta, iya kining gidungan og 67-mil pesos nga hangtud karon bisan an 30-porsientong interest kada-buwan nga gisaad kanila, wala niya madawat.
Tungod sa iyang kasinatian, nahuna-hunaan niyang panganlan na lang niya ang iyang anak og Forex Scam isip handumanan matud pa sa iyang nasinatiang scam.
