BUTUAN CITY – Gihatud na sa katapusang pahulayanan ang gipatay nga Small Town Lotto kon STL teller sa may Brgy Manapa, Buenavista, Agusan del Norte niadtong Hunyo 27, 2019.
Sa eksklusibong pakighinabi sa Bombo Radyo Butuan, padayong nanawagan si Lilibeth Madria, igsuon sa biktima ug hustisya alang sa iyang igsuon nga si Liezel Madria Ordinan, 40 anyos , kansa ilubong na karong alas 8 sa buntag sa Talisayan, Misamis Oriental.
Hangtud karon wala pa’y opisyal nga resulta sa imbestigasyon ang kapulisan apan nanghinaot silang mapadali ang imbestigasyon ug matumbok ang tinuod anga suspek sa maong krimen.
Ni-apela usab ug tabang si Lilibeth matabangan sa pagpatungha sa mga nabiyaang anak sa biktima.
Mahinumdumang naghanyag og 200-mil pesos ang reward money nga gipagawas sa Police Regional Office kon PRO-13 sa bisan kinsang makatudlo sa mipatay sa biktima.
Nagpa-abot na usab sa iyang mga pahasubo ngadto sa na-ilong pamilya, mga kaibigan, mga staff og mga ka-ubanan sa trabaho ni Olofernes ang gobernadora.
