BUTUAN CITY – Andam na ang mga dokumento sa pagpasaka ug kaso batuk sa mga responsable sa pagdabdab sa usa ka dumptruck nga gipanag-iyahan sa usa ka construction company sa lungsod sa Sison, Surigao Del Norte.
Nahitabo ang insedente mga alas 10:15 sa buntag niadtong Lunes sa may Barangay Tagbayani sakop sa maong lungsod.
Sigon ni Police Capt. Jun Hontalosa, Hepe sa Sison Municipal Police Station, gelayon silang nakig-koordina sa 30IB Philippine Army ug natumbok ang mga miyembro sa New People’s Army kon NPA nga mibuhat sa kremin.
Sumala pa sa hepe, gitrabaho sa usa ka construction company ang provincial road sa Barangay Tagbayani ug Barangay San Isidro sakop sa maong lungsod sa dihang gidabdaban kini sa walhong grupo.
Dili na mapuslan pa ang maong dumptruck human kini na-ugdaw. Hinoon wala nay lain pang nadamay sa panghitabo apan hilabihan ang gibating kalisang sa drayber niini.
Dugang pa sa hepe nga nagila matud pang NPA ang mga suspetsado kansa ang posibleng motibo mao ang pagpangilkil.
Gipaabot pa usab sa kapulisan ang tubag sa contractor nga ilang gipangayuan sa kantidad sa nadamyos nga sakyanan.
