BUTUAN CITY – Mi-abot sa siyam ka mga tawo ang bag-ong natalang COVID-related deaths kagahapong adlawa dinhi sa Caraga Region samtang 234 ang mga bag-ong kaso kondiin 229 niini ang naka-isolate ug 80 ang mga bag-ong nakarekober.
Tungod niini, mi-abot na sa 27,773 ang cumulative COVID-19 cases ning rehiyon ug sa maong ihap, 2,111 ang mga naka-isolate; 24,772 ang mga nakarekober ug 890 na ang kinatibuk-ang patay.
Sa mga bag-ong kaso, pinakadaghan ang natala sa Surigao del Sur nga mi-abot sa 62 nga gisundan sa Agusan del Norte-45; Agusan del Sur-42, Butuan City-26 samtang tag-17 ka mga kaso usab ang natala sa Bayugan City ug Cabadbaran City.
Nakatala usab og tag-unom ka mga kaso ang Surigao City ug Surigao del Norte, upat sa Dinagat Islands province ug tulo sa Tandag City.
Samtang dinhi sa dakbayan sa Butuan, nanguna sa duna’y daghang kaso ang Brgy. Villa Kananga nga mi-abot sa pito; Libertad-4; tagtulo sa Brgy. Doongan ug San Vicente; tagduha usab sa Brgy. Buhangin ug Tandang Sora ug tag-usa sa Brgy. Limaha Fort Poyohon; Dagohoy, Babag ug Ambago.
