-- ADVERTISEMENT --
BUTUAN CITY – Mi-abot sa siyam ka mga tawo ang patay samtang 49 ang nadala sa ospital ug gibana-banang 20 ang natanggong sulod sa Santa Cruz church sa Ciudad Madero sa Mexico human nahugmak ang atop niini.
Sigon sa mga pulis sa Tamaulipas, gibana-banang 100 ka mga tawo ang mitambong sa misa alang sa bunyag dihang natigayon ang maong hitabo.
Gika-ingong naglinya na matud pa ang mga tawo alang sa pagkalawat dihang kalit lang nahugmak ang atop niini apil na ang mga bricks, semento ingon man, mga steel support structures nga may midat-og sa mga tawo.
Mitabang na ang mga tawo sa search and rescue operation bitbit ang pala ug uban pang kagamitaon aron maluwas gilayon ang angayang maluwas.
