BUTUAN CITY – Nadugangan na usab ang mga bag-ong COVID-19 variant cases ning rehiyon base sa resulta nga nadawat gikan sa University of the Philippines-Philippine Genome Center.
Gikan sa mga gipasa nga samples, 9 ang nag-test positive sa COVID-19 variants of concern kondiin 8 sa mga niini ang nagpositibo sa South African variant nga B.1.351 ug usa ang UK variant nga B.1.1.7.
Ang mga kompirmadong B.1.351 cases kansa mga locals naggikan sa Cantilan, Surigao del Sur dunay 1, Butuan City (1), ug Province of Dinagat Islands (6).
Gawas sa 8 ka mga B.1.351 variant cases, lima ang mga close contacts sa confirmed positive cases; duha ang dunay travel history gikan sa NCR+ areas ug usa ang posible usab nga dunay travel history o close contact sa confirmed positive case.
Sa kasamtangan, ang tanang mga kaso nakakompleto sa girekomendang quarantine period ug na-discharge na gikan sa ilang mga isolation facilities ug karon mga asymptomatic na.
Sa laing bahin, ang B.1.1.7 variant case usa ka residente sa Cabadbaran City, kansa mao ang 101-anyos nga babae ug walay travel history ingon man wala’y na- close contact sa mga nakalabay nga confirmed case.
Na-admit kini tungod sa sakit sa iyang wala nga bahin sa lawas ingon man kaluya sa tibook lawas ug anorexia.
Miabot ang resulta sa babaye nga positibo kini sa virus ug na-tag isip severe case usa ka adlaw adesir namatay.
Sumala ni Regional Director Cesar Cassion, hugot ang ilang pag-monitor ug pakig-koordinar uban sa mga health authorities sa Local Government Units concerned sa pag-impelementa sa saktong aksyon ug national protocols sa mga nakumpirmang variant cases.
Sa bag-ong pagtuon, ang nasangpit nga mga variants of concern dunay pagsaka sa transmissibility kansa nagpasabot nga daghang mga tawo ang mataptan, nga maghatag og peligro sa mga tawo dunay hinay nga resistensya ug kung mapasagdan, mahimong magmugna og domino effect nga maoy magpahugno sa health care system.
