BUTUAN CITY – Imbestigahan sa New York Fire Department ang natigayong sunog sa usa ka residential apartment building sa Bronx, New York City nga mikalas og ubay-ubay nga kinabuhi.
Kini ang gipadayag ni Bombo international correspondent Ferdinand Nakila kinsa mikumpirma nga gikan sa unang nataho nga 19 ang nakalas, 17 lamang matud pa ang maong ihap samtang ubay-ubay pa ang gipangtambalan sa ospital tungod sa mga na-angkong paso sa kalawasan.
Sa eksklusibong pakighinabi sa Bombo Radyo Butuan, gipadayag ni Nakila nga karaan na ang nasangpit nga apartment nga barato ang abang rason nga paboritong puy-an sa mga immigrants ilabina sa mga Africans.
Ang mga karaan matud pa nga residential apartments gawas nga barato, dili usab istrikto kung pila ang angayang papuy-on rason nga maoy kinaham nga puy-an sa mga immigrants.
Nagtuo si Nakila nga tungod sa ka-karaan na sa maong dakbalay, dili na updated ang mga alarm systems niini sama sa fire alarm ug uban pa.
Wala matud pa’y angayang kabalak-an sa mga nabiktima sa sunog tungod kay hatagan sila og libreng hotel accommodation hangtud nga makakita na sila og bag-ong kapuy-a
n. Bisan og mga immigrants matud pa ang kadaghanan sa mga nasunugan, mipasalig ang mayor sa New York nga taguan ang ilang personal information aron dili madakpan sa mga immigration officers.
