BUTUAN CITY – Gipasabot ni Fr. Wilbert Simplicio – tigpamaba sa Butuan Diocese nga ang kabag-uhan sa pastoral assignments sa kapari-an sa diocese, desisyon ni Bishop Cosme Damian Almedilla.
Sa eksklusibong pakighinabi sa Bombo Radyo Butuan, gipadayag ni Fr. Simplicio nga himuon kini kada-lima ka tuig apan gi-usab sa kini sa obispo nga gihimong kada-termino kondiin ang matag-termino duna’y tulo ka tuig ug mamahimo pang ma-renew og ka-usa lang ka higayon.
Tungod niini, duna’y mga pari nga taga-Agusan del Sur kinsa na-assign sa Agusan del Norte ang gibalik sa maong lalawigan ug vice versa.
Apan duna usa’y uban nga taga-Agusan del Norte nga mihangyong sa Agusan del Sur i-assign tungod kay nangandam alang sa tukurong Diocese of Prosperidad.
Gipasabot niining butangan na og diocese ang Agusan del Sur tungod sa nagkadaghang simbahan na ug parokya ubos sa Diocese of Butuan.
Higayong aprubahan sa Vatican ang maong plano ug mariyalisar na ang maong diocese, bugtong ang mga simbahan o parokyana unya sa Butuan City ug Agusan del Norte ang matutukan sa Diocese of Butuan.
Gipasabot pa ni Fr. Simplicio nga duna’y mga ministries sa diocese diin kinahanglang magpabilin ang pari tungod sa agi-ang transition nga posibeng mulungtad og duha ngadto sa tulo ka tuig.
Ubos sa transition period, apil niini ang tunghaang ilang gidumala rason nga dili gilayon insigida silang muhawa tungod kay kinahanglanon man ang transition sa ingon ma-familiarize ang mupuli kanilang pari sa trabahuon sa tunghaan.
Giklaro pa sa pari nga magpadayon gihapon ang reshuffling aron mas daghang mga komunidad ang ilang maserbisyuhan alang sa usab sa kalambuan sa ilang bokasyon.
