BUTUAN CITY – Dili masukod ang gibating kalipay ni coach Ryan Jay Hamac human nasakmit sa iyang kanhi estudanteng si Dave Cea ang gold medal alang sa SEA Games taekwondo.
Sa ekslusibong pakighinabi sa Bombo Radyo Butuan, gipadayag ni Hamac nga sukad pa niadtong na-under niya ang maong taekwondo jin niadtong high school pa kini, nakita na niyang taas ang ma-abtan niini tungod kay maminaw man kini sa tanang isulti kaniya ug paspas pang makakat-on ilabina nga pursigido kini sa iyang gihimo.
Gawas pa, mapa-ubsanon usab kini ug taas og respeto sa iyang mga coaches.
Gibutyag ni coach Hamac nga samtang nagtungha kaniadto sa Agusan National High School kon Agusan High si Cea, nag-training usab kini sa Xavier Taekwondo Training Center hangtud nga sa pagtungha niini sa kolehiyo, gikuha kining scholar sa National University.
Mupa-uli pa dinhi sa Butuan si Cea aron mupahulay adiser mubalik sa kauluhan aron mag-training na usab sa gawas sa nasud.
