BUTUAN CITY -Dili mu-ubos sa 64 ka mga tawo ang patay sa pagpamanhig sa hilit nga Highlands region sa Papua, New Guinea human gipamusil atol sa tribal dispute sa Enga province.
Ang Highlands area dugay nang nag-antus sa kagubot apan ang pinaka-ulahing panghitabo mao ang pinakaduguon sulod sa pipila na ka katu-igan.
Ang pagsulod sa mga illegal firearms nakapasamot sa kagubot sa maong lalawigan nga nagsugnod pa sa mga duguong panghitabo.
Gipangtapok na sa mga pulis ang mga patay’ng lawas sa lugar duol sa lungsod sa Wabag – kansa 600-kilometros sa amihanang kasadpan sa capital Port Moresby.
Sigon ni Royal Papua New Guinea Constabulary Acting Supt George Kaka, nasubo sila og maayo sa panghitabo kondiin ang mga patay’ng lawas gipangkarga sa mga trak.
Misamot ang tribal conflict – dihang nanghatag og yuta ug uban pang bahandi ang kagamhanan nga misangpot sa tulo ka buwang lockdown sa Enga niadtong Hulyo rason nga nagpatuman ang mga pulis og curfew ingon man travel restrictions.
