BUTUAN CITY – Gikumpirma ni Butuan City Police Director PCol Canelo Fuentes nga unom ka police nga sakop sa Butuan City Police Office ang nag positibo sa rapid test diin usa niini dunay ranggo nga Major ug ang lima mga police non commissioned officers (PNCOs).
Sumala niini ang tanang pulis lakip ang mga non-uniformed personnel gipailawom niya sa rapid test ug negatibo ang resulta sa uban gawas lang sa maong unom.
Mibalibad pagbutyag si PCol Fuentes kung asa nadestino ang unom ka mga pulis dungan sa pagbutyag nga nakahugoy-hugoy sa nagpositibong major ang mipa-uli niyang paryente nga Locally Stranded Individual (LSI) kansa maoy gitu-uhan niyang hinungdan sa pagpositibo niya sa maong virus.
Tungod niini, gipa-ilalom na sa 14 ka adlaw nga quarantine ang nasangpit nga mga pulis.
