BUTUAN CITY – Opisyal nang gihatagan sa Ateneo de Davao University (ADDU) og full scholarships hangtud sa kolehiyo ang tanang unom ka mga manghod ni anhing student-athlete Rene Clert “Bobet” Baterbonia.
Gi-anunsyo ang maong maayong balita ni ADDU University President Fr. Karel San Juan, atol sa memorial mass kagahapon nga gipahigayon sa Christ the King Chapel sulod sa ADDU Senior High School Bangkal Campus.
I-cover sa full scholarship ang kompletong educational pipeline, spanning gikan sa Basic Education sa kindergarten o kaha sa elementary hangtud na sa ilang pag-kolehiyo.
Giklaro ni Fr. San Juan nga ag maong scholarship grant maoy maghtag og katumanan sa nag-unang rason sa pagbiya ni Bobet sa Davao City aron magtuon ug mudula og basketball sa Manila aron unta hatagan ang iyang pamilya og hayag nga kaugmaon ug masiguro ang saktong edukasyon alang sa iyang mga manghod.
