BUTUAN CITY – Gipasakaan na og kasong rape with homicide si alyas Ronald, residente sa P-8, Simulao, Barangay Bunawan Brook, Bunawan, Agusan del Sur human gitudlong maoy milugos-patay sa usa ka 6-anyos nga batang babaye nga napalgang wala nay kinabuhi sa kanal nga bahin bandang alas-9 ang takna ning mi-aging gabii.
Sa saysay sa inahang si alyas Maria, gi-apas matud pa niya ang anak sa silingan bandang alas-sais sa susamang gabii tungod kay wala na kini nakauli sa ilang panimalay.
Nagpakitabang na siya sa mga silingan pagpangita ug bandang alas-9 sa gabii, nadiskubrean na lang nila nga wala nay kinabuhi nga napalgan sa kanal nga bahin nga adunay bun-og sa baba ug tangkugo ug nagkadugo usab ang pribadong parte sa lawas niini.
Gika-ingong duna’yj nakakita nga katapusang naka-uban sa biktima ang suspetsado rason nga dali kining gipangita hangtud nga nadakpan na ug nagtingkagol na sa karsel sa Bunawan Municipal Police Station.
