BUTUAN CITY- Gipadayag sa Palasyo Malakanyang nga agayan lang nga mo-istorya sa tinuod si kanhi Ako Bicol Representative Zaldy Co kalabot sa isyung anomalosong flood control project, kini subay sa pagkasikop niini sa Prague, Czech Republic.
Sumala ni Palace Press officer USec. Claire Castro, nga mas importante matud pa nga pangutana karun kung andam ba si Co nga ibulgar ang iyang mga nahibal-an kompara sa una niining mga alegasyon batok kang President Ferdinand Marcos Jr.
Dugang pa ni Castro, naglaom ang Presidente sa bisan unsang impormasyon nga pwedeng makatabang sa imbestigasyon ug pagtudlo sa mga angay’ng manubag. Gipasiugda usab niini, nga walay gidapigan ang administrasyon ug wala niini gihukman kung si kinsa ang guilty o dili apan kinahanglan nga mopa-ilawom sa husto nga proseso ang tanang nalambigit.
Saigon pa sa Malakanyang nga positibong lakang ang pagkasikop kang Co sa kampaya sa panggamhanan batok sa korapsyon. Kalabot niini, gisiguro usab sa panggamhanan nga magpadayon ang koordinasyon sa Czech Authority aron nga mapa-uli si Co sa Pilipinas ug atubangon ang mga kasong gi-atubang.
