BUTUAN CITY – Bisan og nakatala og 52 ka mga bag-ong COVID-19 cases ang Caraga Region base sa pinaka-ulahing situationaire report nga gipagawas sa Department of Health kon DOH-Caraga, wala’y natalang bag-ong patay ning adlawa.
Base sa virtual announcement sa DOH-Caraga, sa maong baag-ong ihap, pinakadaghan ang natala sa Agusan del Sur nga mi-abot sa 35 kondiin ang lungsod sa Prosperidad duna’y 17 ka mga kaso nga gisundan sa Talacogon ug Trento nga parehong duna’y tag-unom, 3 usab sa lungsod sa Rosario, 2 sa San Luis ug 1 sa Sta. Josefa.
Gisundan kini sa unom ka mga kaso sa Surigao del Sur nga na-apod sa mga lungsod sa Lanuza-2 ug tag-usa na sa mga lungsod sa Carmen, Marihatag, San Miguel ug Tagbina ug 6 ka mga kaso usab dinhi sa dakbayan sa Butuan nga na-apod sa tag-3 sa Brgy. Libertad ug Villa Kananga.
Nakatala og 3 ka mga kaso ang Tandag City kondiin 2 a Brgy. Telaje ug 1 sa Brgy. Mabua, duha ka mga kaso ang natala sa lungsod sa Cagdianao, sa Dinagat Islands province.
Ang tanang mga bag-ong kaso, gi-quarantine na, gi-monitor ug hugot nga gi-atiman sa nagkada-iyang mga quarantine facilities.
Sa kinatibuk-an, ang Caraga region duna na’y 3,961 nga cumulative COVID-19 positives cases kondiin 406 niini ang aktibo pang kaso, 3,371 na ang nakarekober ug 184 na ang mga namatay.
