BUTUAN CITY – Malampusong gihimo kagahapon sa buntag sa commemoration station sa Bood Promontory and Eco-Park sa Brgy. Pinamanculan ning siyudad sa Butuan, ang Easter Sunday Commemorative Mass.
Subay kini sa pagsa-ulog sa Pilipinas sa ika-503 nga anibersaryo o kasumaran sa first mass kon unang misa nga gihimo sa simbahang Katoliko dinhi sa Pilipinas sa pag-abot sa Spanish expidition nga gipangunahan ni Portuguese explorer Ferdinand Magellan.
Sigon ni Fr. Joesilo Amalla, ang historic-cultural reseacher sa Diocese of Butuan, base sa mga ebidensyang ilang nakuha gikan sa manuscript ni Venetian explorer Antonio Pigafetta, gihimo ang unang misa sa Mazawa dihi sa Butuan ug dili sa Limasawa, Leyte nga maoy nakalatid sa Philippine History.
Gihingusgan ni Fr. Amalla ang ang pila ka higayong pagka-mention sa Butuan sa maong manuscript ug wala ang Leyte, mao ang dakong ebidensya sa maong claim gawas sa uban pang lig-ong mga ebidensya.
Madumdumang gi-ablihan niadtong Marso 7, 2018 sa Catholic Bishops Conference of the Philippines o CBCP ang isyu kung asang lugara gayod natigayon ang unang misa sa Pilipinas, dungan sa pagmugna og komite aron muhimo og pagdungog sa maong isyu.
