BUTUAN CITY – Gikumpirma sa US Coast Guard nga patay na ang lima ka mga pasaherong sakay sa na-missing nga Titan submersible dungan sa pagkakaplag sa debris field niini duol sa tipaka sa na-unlod nga barkong Titanic kaganinang kadlawon-oras sa Pilipinas.
Apil sa lima nga sakay sa sub sila Stockton Rush, ang 61-anyos nga Chief Executive Officer kon CEO osa OceanGate, ingon man ang British-Pakistani businessman nga si Shahzada Dawood, 48-anyos, iyang 19-anyos nga anak nga si Suleman, ang British businessman nga sil Hamish Harding, 58-anyos. Samtang ang ikalima nga si Paul-Henry Nargeolet, usa ka 77-anyos nga kanhi French navy diver ug iladong explorer.
Sa news conference kaganinang alas-tres sa kaadlawon – oras sa Pilipinas, gipadayag ni Rear Admiral John Mauger sa US Coast Guard nga ang napalgang mga debris, iya sa Titan submersible ug wala pa’y klaro kung unsa ang hinungdan sa pagkaguba niini.
Ang pagkawala sa nasangpit nga sakyanang pandagat maoy hinungdan sa gilusad nga massive international search effort nga gilambigitan sa US, Canadian, British ug French forces.
Sa pikas lbahin, gidayeg usab sa OceanGate ang kakomitido sa mga search teams pagpangita sa lima ka mga explorers, apil na ng pila ka adlaw ug gbii ilang suporta ngadto sa pamilya sa ilang crew ug sa mga sakay niini.
