BUTUAN CITY – Lima ka mga estados karon sa India ang grabeng na-igo sa COVID-19 nga gilangkuban sa Marahastra, Uttar Pradesh, Kanataka, Tamil Nadu ug ang Andra Pradesh.
Kini ang assessment ni Bombo international correspondent Joeann Manos sa eksklusibong pakighinabi sa Bombo Radyo Butuan direkta gikan sa Goa, India.
Sa pagkakaron, maayo pa ang kahimtang karon sa mga overseas Filipino workers kon OFWs nga atua karon sa maong nasud taliwa sa nagkagrabeng kaso sa COVID-19.
Gipadayag niining sa ila matud pang lugar, nag-lockdown na apan abli gihapon ang mga establisamiento.
Kagahapon, kapin 3-mil ka mga bag-ong kaso ang natala apan duna usa’y mga nakarekober.
Bisan matud pa og nagkulang sila sa mga oxygen supplies apan wala matud pa magpasagad ang ilang gobyerno tungod kay mas gi-una nila og hatud og tinangke na nga mga oxygen tanks ang mga estadong labing nanginahanglan niini rason nga nagpatabang na usab sila sa laing mga nasud.
Kagahapong adlawa, gisugdan na sa Goa ang libreng pagbakuna sa mga nag-edad og 18-anyos pataas alang niadtong gustong magpatupok tungod kay dili man kini mandatory.
Mahimo usab nga magpatupok sa pribadong klinika o ospital sa kantidad nga 250-ruppes kon bugti sa 210-pesos matag-tupok.
Kung hisgutan usab ang mga pasyente, puno-puno na ang mga ospital rason nga ang mga wala’y mabutangang katre, diha na lang sa hallway muplastar samtang ang uban diha na lang sa ilang mga sakyanan.
Gani sa ilang lugar, susama usab ang sitwasyon rason nga padayon ang ilang pag-ampo nga dili kini masusama sa ubang estado.
Nasayrang gawas sa lockdown sa ilang lugar, nagpatuman usab sila og curfew hour gikan sa alas-dies sa gabii ngadto na sa alas-sais sa buntag.
