BUTUAN CITY- Narekober sa 4th Infantry “Diamond” Division, Philippine Army ang pito ka high-powered firearms, duha ka anti-personnel improvised explosive devices kon IEDs, uban sa mga magasin ug mga bala atol sa duha ka gilusad nga focused military operations batok sa Communist Terrorist Group kon CTG sa Agusan del Sur ug Surigao del Sur niadtong Hulyo 18.
Sa Brgy. Kolambugan, Sibagat, Agusan del Sur, unom ka armas ang nakuha pinaagi sa intelligence information gikan sa mga kanhi rebelde ug padayon nga operasyon sa militar, samtang usa pa ka M16 rifle, duha ka IEDs ug mga bala ang narekober sa laing operasyon sa Brgy. Maitum, Tandag City.
Sumala sa mga opisyal sa 4ID, ang maong kalampusan nagpakita sa epektibong paniktik ug lig-on nga kooperasyon sa mga komunidad, ug kabahin sa padayong kampanya sa militar aron mapreserbar ang Stable Internal Peace and Security (SIPS) sa Caraga ug mapugngan ang pagbangon pag-usab sa CTG.
