BUTUAN CITY – Nahidangat na dinhi sa dakbayan sa Butuan ang 32 ka mga Caraganons nga Locally Stranded Individuals kon LSIs ug 10 ka mga Returning Overseas Filipinos kon ROFs human mitugpa kagahapon sa hapon sa Laduindingan Airport sa Cagayan de Oro City ang duha ka sweeper flights nga ilang gisakyan.
Lakip sa 32 ka mga Caraganaons ang lima nga taga-Butuan City, tag-8 sa Agusan del Norte ug Surigao del Sur, 2 sa Agusan del Sur, ug usa gikan sa probinsya sa Dinagat Islands.
Gi-atiman sila nila Family Welfare Officers Ronilo Maningo ug Ryan Alburo gikan sa ilang pag-abot sa airport alang sa profiling ug pagsusi sa ilang certificates hangtud sa pagpalarga kanila hangtud nga naka-abot sila sa City Sports Complex sa Brgy. Libertad ning siyudad kagahapon sa udto.
Gihatagan usab sila og libreng pamahaw sa wala pa sila mobiya sa Cagayan de Oro City ug paniudto sa ilang pag-abot ning siyudad ilabina sa drop-off point sa City Sports Complex dadiser gisundo sa mga sakyanang gikomisyon sa ilang tagsa-tagsa ka mga local government units.
Gawas pa usab kini sa mga food packs nga gilangkuban sa biskwit, bottled water ug cup noodles apil na ang tag-usa ka bag-ong facemask.
