BUTUAN CITY – Upat ka crew members ang namatay human mawad-an og panimoot samtang nagtrabaho sulod sa bodega sa usak ka fishing vessel nga nagdunggo sa usa ka sardine processing facility sa Barangay Cawit, kagahapong ad;awa Hunyo 11.
Giila ang tulo sa mga biktima nga sila Ranillo Sanugal Jr., 27; John Edgar Dotillos, 22; RYAN SANDOY VILLARIZ ug Arnold Bongcawel, samtang gisuta pa ang identity sa usa ka kaubanan.
Sumala sa inisyal nga taho, bandang alas-7:00 sa buntag sa dihang makasinati og grabeng pagkalipong ug nawad-an sa panimoot ang mga biktima samtang anaa sa sulod sa hoot nga bodega sa barko.
Bisan og nadala pa sa ospital, gideklara na silang patay sa mga doktor.
Migawas sa unang impormasyon gikan sa ground investigation nga posibleng dili regular nga nalimpiyohan ang nasangpit nga bodega rasong natigom ang makahilong methane gas nga hinungdan sa suffocation o kawalay oxygen.
Personal nga miadtu si Mayor Khymer Olaso, kauban sa inspeksyon sila City Health Officer Dr. Dulce Miravite, PNP-SOCO, Coast Guard Cawit Station, Ayala Police, ug mga Sanitary Inspector aron susihon ang containment area sa barko diin nahitabo ang trahedya.
Gelayon nga nagmando si Mayor Olaso sa mga ahensya nga mohimo og lawom nga imbestigasyon aron masigurong nasunod ang mga mandatory safety protocol.
Nagpasidaan usab ang alkalde nga pahamtangan og bug-at nga silot o sanction ang kumpanya kung mapamatud-ang dunay mga paglapas kini sa balaod.
