BUTUAN CITY – Gipa-ilalom na sa restrictive custody sa Philippine National Police (PNP) ang upat ka pulis nga nalambigit sa pagpamusil sa Puerto Princesa nga miresulta sa pagkamatay sa tulo ka mga tawo.
Sigon ni PNP Chief PGen. Jose Melencio Nartatez Jr., gawas sa pagkuha sa ilang armas, gipa-ilalom usab sila sa imbestigasyon.
Ang upat ka pulis gi-ingong mitubag sa usa ka gubot sa vigil nga walay koordinasyon sa ilang hepe, ug posibleng ubos sa impluwensiya sa ilimnong makahubog.
Wala usab sila magsul-ob og uniporme bisan pa nga full alert status ang kapulisan atol sa Semana Santa. Sa upat ka pulis, tulo ang Police Staff Sergeant ug usa ang Police Corporal.
Gisiguro ni Nartatez nga walay cover-up o whitewash nga mahitabo, ug pasakaan sila og administratibo ug kriminal nga kaso.
