BUTUAN CITY – Upat ka mga supporters sa magka-away nga mga mayoral bets ang patay human ang pag-atake nga misangpot sa binakbakay atol sa pagpangampanya kagahapon sa buntag sa Sitio Danglas, Barangay Labut, Magsinggal, Ilocos Sur.
Naila ang duha sa mga napatay nga sila Lerryphol Torda ug Bagani Recto samtang padayon pang gi-ila ang laing duha.
Migawas sa inisyal nga imbestigasyon nga kalit lang mi-atake ang armadong grupo sa usa ka kandidato ang mga balay sa mga aides sa lain pang kandidato tungod matud pa sa isyu sa vote buying nga misangpot sa pinusilay.
Narekober sa mga otoridad ag daghang nagkatag nga basiyo sa bala sa M16 assault rifle duol sa van ug motorsiklo nga gigamit sa mga nalambigit sa shootout.
Nalambigiti sa hugot nga political rivalry sa lungsod sa Magsinggal ang mibalik nga mayor nga si Alrico Favis sa Kilusang Bagong Lipunan (KBL) batuk kang independent candidate Lorry Salvador Jr.
