BUTUAN CITY – Laing dungog na usab ang nakuha sa Caraga State University kon CSU human nahimong top notcher ang 4 ka mga estudyante sa bag-ohay lang migawas nga Social Worker Licensure Examination.
Ang upat ka mga estudyante mao sila Rhea Lynne Mordeno Estrosos, top 4 human mitala og 84.40%, John Michael Valente Acuzar, top 5 nga dunay 84.00%, ug Top 9 nga sila Regine Mae Abece Dagohoy ug Jovelyn Capute Estrera nga parehong dunay average nga 82.20%.
Nahimo usab nga Top Performing School ang Caraga State University tungod sa 100% nga passing rate sa maong exam.
Alayon niini, mihimo na og inisyal nga pag-ila ang lokal nga kagamhanan sa siyudad sa Butuan sa nasangpit nga kalampusan.
Gane duna nay pag-awhag si Butuan City Mayor Ronnie Vicente Lagnada sa mga estudyante sa dakbayan nga maningkamut ug dili pasagdan ang pagtuon aron molampos ug makab ot ang mga ambisyon sa kinabuhi.
