BUTUAN CITY – Gipagawas na ang opisyal nga calendar of activities sa nagsingabot nga Palarong Pambansa 2026 sa Agusan Del Sur.
Base sa kalendaryo, mayo 11 sa dihang magsugod sa pagpangabot ang mga delegasyon diin sa maong adlaw usab himoon ang Orientation sa Kitchen Operation og Food Safety.
Sa mayo 19 og 20, himoon ang refresher course alang sa mga technical offcials samtang pagka-ugma ang Earthquake drill Medical Officials Meeting.
Himoon usab ang solidarity meeting sa Mayo 22 lakip na ang delegation welcome night.
Sa Mayo 24, dunay himoong Misa Pasalamat nga sundan sa Opening Ceremonies sa Datu Lipus Makapandong diin sa maong adlaw mahitabo ang Governor’s Night.
Sa Mayo 25 dunay pagahimoon nga Tribalympics og Demo and Exhibition sports.
Ang Games proper mahitabo sa Mayo 26 ngadto sa 30 samtang ang closing ceremony himoon sa Mayo 31 sa Datu Lipus Makapandong Cultural Center.
