BUTUAN CITY – Gipa-ilalom na sa 14-ka adlaw nga facility quarantine ang tulo sa 157 ka mga locally stranded individuals kon LSIs nga miabot sa dinhi sa dakbayan sa Butuan kagabi gikan Manila.
Sa ilang pag-abot sa pantalan sa Nasipit, Agusan del Norte, gikuha sila og mga sakyanan gikan sa lokal nga kagamhanan ning siyudad ug gidala sa Butuan Medical Center kon BMC Annex sa Brgy. Baan Km. 3 alang sa rapid anti-body test.
Ang maong ihap wala pa’y labot sa laing 16 ka mga SLIs nga nangabot kaganinang alas-3:30 sa kaadlawon gikan sa Jagna, Bohol ang mi-abot gihapon sa susamang pantalan nga gidiretso gihapon sa BMC Annex.
Kagabii usab nangabot via sweeper flight sa Laguindingan Airport sa Cagayan de Oro City ang 16 ka mga Returning Overseas Filipinos kondiin pito kanila ang mga taga-Butuan kinsa mu-agi sa susamang proseso sa ilang pag-abot ning siyudad.
Ang magpositibo sa rapid test, dalhon gihapon sa quarantine facility ning siyudad samtang ang magnegatibo, ihatod sa ilang mga panimalay sakay sa LGU Butuan nga mga sakyanan alang sa 14-day home quarantine.
