BUTUAN CITY – Nakatala og pinakadaghang bag-ong patay karong adlawa ang Caraga Region tungod sa COVID-19 human nga mi-abot na kini sa 29 samtang 483 ang mga bag-ong kaso samtang 476 ang naka-isolate ug 274 ang mga nakarekober.
Pinakadaghan sa mga duna’y bag-ong kaso ang Agusan del Sur nga mi-abot sa 181 ug gisundan sa Butuan City-105 dayon ang Surigao del Sur-81 samtang 60 sa Surigao del Norte.
Nakatala usab og 17 ka mga kaso ang Surigao City; 13 sa Agusan del Norte, tag-onse sa Tandag City ug Bayugan City, 2 sa Cabadbaran City ug tag-usa sa Bislig City ug Dinagat Island Province.
Tungod niini, ang Caraga Region duna na’y 33,229 ka mga cumulative COVID-19 cases kondiin 4,756 niini ang naka-isolate ug 27,401 ang nakarekober ug 1,072 na ang kintibuk-ang patay.
