BUTUAN CITY – Labing minos 27 ka mga tawo ang namatay sa sunog nga mi-abo sa usa ka bar sa Bangkok, Thailand kaganinang kaadlawon kondiin ang mga biktima gilangkuban sa siyam ka mga lalaki ug 18 ka mga babaye ug ubay-ubay pa ang missing.
Sumala ni Thai Prime Minister Anutin Charnvirakul, nakit-an sa mga bombero ang mga kostumer nga nag-panic ug nanggawas sa pultahan samtang nagdilaab nga kalayo uban sa pagsinggit ug uban nahulog pa.
Gawas sa narekober nga 27 ka mga patay’ng lawas, duna’y uban nga mga angol ang gidala sa ospital samtang gisuta pa ang hinungdan sa sunog.
Sumala sa report, nakontrola sa mga bumbero ang kalayo sulod sa kapin tunga sa oras apan dako na ang namugnang kadaot.
Sigon sa primero ministro, iyang napangutana ang musikero nga nag-perform ug nasuta nga nagsugod ang kalayo sa cut-out switch ug pagkahuman dali ra kaayo ang nahitabo kondiin nanagan na ang tanan gikan sa aso ug kalayo.
Daghan ang wala nakagawas kay nisulod sila sa likod sa building ug nagtago sa pansayan rason nga didto nakit-an ang kadaghanan sa mga patay’ng lawas.
