BUTUAN CITY – Misaad ang Estados Unidos nga muhatag og kapin sa 3.6-milyones dolyares nga humanitarian aid ngadto sa Nepal, human ang grabeng pagbaha ang mi-igo sa mga lugar duol sa utlanan sa Nepal ug Tibet.
Ang maong ayuda gitumong sa pagtabang sa mga pamilyang grabeng naapektuhan sa kalamidad.
Lakip sa tabang sa Estados Unidos ang emergency food assistance nga mahimong maka-abot sa hangtod 10,000 ka mga panimalay nga naapektuhan sa baha.
Gikinahanglan kaayo ang pagkaon ug uban pang suplay tungod kay daghang lugar ang lisod maabot tungod sa pagkadaot sa mga dalan ug imprastraktura.
Ang ayuda sa Amerika mu-abot samtang nagpadayon ang search and rescue operations sa Nepal, diin gatusan na ka tawo ang namatay ug liboan pa ang gikatahong missing tungod sa grabeng flash flood.
Nagpadayon usab ang paningkamot sa mga awtoridad ug humanitarian organizations sa paghatag og pagkaon, temporaryong kapuy-an, limpyo nga tubig ug uban pang pangunang panginahanglan sa mga biktima.
Gilauman nga dako pa ang panginahanglan sa tabang sa Nepal tungod sa kadak-on sa kadaot.
Sumala sa humanitarian organizations, kapin 10,000 ka mga panimalay sa may Trishuli corridor nanginahanglan og emergency shelter ug relief supplies
