BUTUAN CITY- Gipadayag sa Office of the Ombudsman nga aduna nay kapin 40 ka testigo ang Ombudsman alang sa mga flood control case batok kang Kanhi House Speaker Martin Romualdez.
Sumala ni Assistant Ombudsman ug Spokesperson Atty. Mico Clavano mo abot sa kapin 40 ang gikoptan sa Ombudsman nga mga testigo o witnesses, 28 niini ang mga nahisgutang bag-ong nadugang kauban ang padayon gihapon sa 14 gikan sa 18 ka maleta boys isip testigo sa Ombudsman.
4 sa mga nagpa-ilang 18 kanhi sundalo ug nagsilbing bodyguards ni Kanhi Ako Bicol Party-list Representative Zaldy Co ang nagrecant o nagbawi sa ilang mga pamahayag.
Apan gi-insistar ni Asst. Ombudsman Clavano, nga ang pakibatok dili walay kalabotan sa numero o kung si kinsa ang adunay daghang testigo, ang importante matud pa niini mao ang mga kalidad sa mga gipangbuhi-ang pamahayag sa mga testigo ug ugaling masuta nga adunay irregularidad sa recantation ang unang affidavit maoy ipa-barug ug kuptan.
Taliwa paman niini, gihatagan og gibug-aton sa Ombudsman nga bisan paman gibawi sa pipila ka indibidwal ang ilang mga pamahayag o adunay recantation dili automatikong ma-erase ang mga ebidensya.
Nagtuo ang Ombudsman nga possible pang magsilbi isip dugang nga mga ebidensya maong pagrecant sa pipila ka testigo.
Si Kanhi House Speaker Martin Romualdez nag-atubang sa mga reklamong plunder, direct bribery, graft ug money laundering sa Office of the Ombudsman kalabot sa pagkalambigit niini sa anomalosong Flood Control Projects sa panggamhanan.
